Eric Berne

Der Artikl is im Dialekt Weanarisch gschriem worn.

Eric Berne, gebuan ois Eric Lennard Bernstein, (* 10. Mai 1910 in Montréal; † 15. Juli 1970) wor a Oazt und Psychiata. Ea hod de Transaktionsanalyse (TA) entwicklt. Des is a psychotherapeutisches Vafoan, des wos si aus da Psychoanalyse obgleitet hod.

1964 hod da Berne des Buach Games People Play vaeffentlicht, des wos a Bestseller wuan is und eam berihmt gmocht hod. In dem Biachl wean konkrete Oitogsbeispü menschlicha Kommunikation beschriem, hinta dena si Spü vabeagn, wos Eawochsane miteinaunda spün. Mit Spün san festgfoarane Kommunikationsmusta gmaant. Da Berne hod dena Spü einprägsame Naum gem, wia z. B. "Jetzt hob i di du Schweinehund!" ("Now I've got you, you son of a bitch") oda "Jo, oba..." ("Yes, but..."). "Spü" im Sinn vo Berne san Nui-Summen-Spü, Transaktionen wo a Person auf Kosten vo da aundan Befriedigung raus ziagt. De Terminologie is zum Teu in de amerikanische Oitogssproch einzogn.